Leikskólataskan

Það er markmið okkar hér í leikskólanum að börnum líði sem best í leik og starfi – að sjálfsögðu :-)

Til þess að þeim líði vel er nauðsynlegt að klæðnaður þeirra sé þæginlegur og uppfylli þær kröfur að barninu sé hlýtt, það sé þurtt og fötin hefti það ekki við leik.

Útiföt þurfa að vera þæginleg og helst þannig að barnið geti hjálpað sér sem mest sjálft.

Á Íslandi er allra veðra von þannig að það er nauðsynlegt að hafa föt við hæfi í leikskólanum.

Í leikskólanum eru börn að leika sér. Þau eru að föndra, borða, þvo sér og leika úti. Í þessum verkefnum geta fötin blotnað eða orðið skítug.

Þess vegna er mikilvægt að börnin séu með föt til skiptanna. Einnig geta börnin blotnað úti í leik og því þarf auka inniföt og útiföt ….

Hér er listi yfir það sem við teljum að nauðsynlegt sé að hafa í leikskólatöskunni.

Munið að merkja fötin vel, því við getum ekki þekkt hver á hvað þar sem í leikskólanum eru um 90 börn og mörg eiga eins föt.

Eldri börn 4-5  (Lágmark) Yngri börn 2-3 (Lágmark)
 1. Útiföt

  • Pollagalli
  • Kuldagalli (ekki á sumrin)
  • Hlý peysa
  • Húfa og buff eða eyrnaskjól
  • Ullarsokkar (ekki á sumrin)
  • 2-3 vettlingar (ekki á sumrin)
  • Kuldaskór (yfir vetrartímann)
  • Stígvél
  • Léttir skór

2. Aukaföt

  • 1 nærbuxur
  • 1 nærbolur
  • 2 sokkar/sokkabuxur
  • 1 buxur
  • 1 bolur
  • 1 peysa
 1. Útiföt

  • Pollagalli
  • Kuldagalli (ekki á sumrin)
  • Hlý peysa
  • Húfa og buff eða eyrnaskjól
  • Ullarsokkar
  • 2-3 vettlingar
  • Kuldaskór (yfir vetrartímann)
  • Stígvél
  • Léttir skór

2. Aukaföt

  • 3 nærbuxur
  • 2 nærbolur
  • 3 sokkar/sokkabuxur
  • 3 buxur
  • 1 bolur
  • 1 peysa

 

Fylgist vel með hvað fer úr töskunni og munið eftir að taka blaut/óhrein föt með heim eftir hvern dag og þá koma með ný aukaföt eða útiföt daginn eftir.

 

Taskan má vera í leikskólanum alla vikuna – en taka þarf töskuna heim á föstudögum.

 

Við óskum eftir hjólalausum töskum upp á litlu hilluna fyrir ofan hólf barnanna.

Þegar og ef hjólatöskurnar detta niður er voðin vís – okkur finnst óþarfi að vera með „svona“ slysagildru í fataherberginu okkar.

 

Innilegar óskir um að allar töskur verði fullar af hlýjum og þurrum fötum.